1893/2022-2023
Sawrkar laipui Ministry of Social Justice & Empowerment buatsaihin vawiin khan ruihhlo laka invenna chungchang inzirtirna Nasha Mukt Bharat Abhiyan - Drug Free India Campaign pualin Defence Minister Shri Rajnath Singh hovin hun hman a ni. He hunah hian National Cadet Corps (NCC) cadet 700 chuang telin India ram State hrang hrang atangin NCC cadet nuai 17 chuang ten program hi online in an chhim a. Lunglei District- ah pawh Lunglei DC Conference Hall atangin Baptist English School, Lunglei Government College, Baptist Higher Secondary School leh Government High School-te zirlai NCC cadet te an tel ve a ni.

Lunglei District- a program kaihruaitu Lunglei Additional DC Pu Donny Lalruatsanga chuan ruihhlo hluar zel tur do kawngah lungrual taka tanho angaih thu sawiin, hemi kawngah hian thalai lehkha thiam rualte nena do tlan a tul a ni, a ti a.NCC cadet kalkhawmte chu anmahni zawn theuhah ruihhlo do kawnga hma la tur leh a thatlohnate an thalai pui te zirtir tura sawmin District administration leh NCC tangkawp te chuan ruihhlo do kawngah hmalak tlan zel an tum thu a sawi a ni.