117/2025-2026

Lunglei, 2026 Ṭau thla ni 10 : Lunglei District Bawrhsap hma laknaa Lunglei District-a vohbikte chawi kanna tur ruahmanna — Project LEAP (Lunglei's Empowerment for Access and Equity for All Persons) hnuaiah vawiin khan Bunghmun RD Block chhunga Buarpui Information & Cultural Centre-ah vohbikte hriselna dinhmun endikna (health assessment camp) buatsaih a ni.

He hun hi Bunghmun Block Development Officer Pu Paul Rokima chuan kaihruaiin, vohbikte hmangaiha ngaihsaktu District Bawrhsap an nei chu lawmawm a tih thu a sawi a. Project LEAP hi Lunglei District Bawrhsap Pi Navneet Mann hma lakna a nih thu leh nikum December ni 3 khan Lunglei District hian Project LEAP vangin National Award 2025 a lo dawng tawh tih a sawi.

Health Assessment Camp-ah hian Civil Hospital Lunglei aṭangin doctor speciallist leh mi thiam bikte'n vohbikte hriselna dinhmun an endik a. Social Welfare Department official-te chuan Unique Disability Identity (UDID) Card siamsakna turin vohbikte chanchin kimchang an la nghal bawk a. Mi 34 te chu UDID an neih theihna tur lehkha siamsak an ni.

Vawiin hian khaw paruk – Buarpui, South Khawlek, Bungtlang West, Dengsur, Kawlhawk leh Sertlangpui aṭanga camp pantu vohbik mi 37 te hriselna dinhmun endiksak an ni.