2388/2022-2023

Lunglei the 20^th October  2022 : Vawiin chawhnu khan  Lunglei  Bawrhsap Pu Kulothungan A, IAS kaihhruaiin  Mizo thalai te  Competitive Exam hrang  hrang a hlawhtlin theih nan a din Lunglei District Career Forum chu DC Conference Hall, Lungleiah an thukhawm.

Pu Kulothungan A chuan kum tam tak hnuah Lunglei District atangin kumin MPSC combined exam hlawhtling  MCS 3 leh MPS 1 neih avangin lawmthu a sawi a, Lunglei District atanga competitive exam hrang hrang ah thalai tam tak an tlin theih nan Lunglei DC office chuan Lunglei District Career Forum din thu a sawi a. He forum hi DC office chauh in a kalpui theih lova, DEO , College Principal te, MJA leh NGO  hrang hrangte hmalakpuiah a sawm a ni.

He forum in a tum ber chu Lunglei thalai te zirna lama hma an sawn theih nan leh inelna lam an tui theih nan awareness tam zawk pek bakah mithiam ten College leh School hrang hrangah zirtirna pek tum a ni. Thalai te  State level exam hrang hrang an hmachhawn a, tling thei khawp chherchhuah leh  thalai heti lam a tui te chu an mawmawh te tumsak tum a ni.