Vawiin chawhnu dar 2:00 khan Lunglei Bawrhsap hovin a office chamber ah Faina Hapta hman dan tur rel ho a ni. Nikum lama programme UD & PA lamin a am lo duan tawh sa chu pharh a sawiho nghal a ni a. Cleanliness chungchangah hian nikum lama competition an lo tih zuizuia heng veng, office, school leh RD block, restaurant, hotel leh faina hapta chungchanga news paper ziak thate thlan leh nisela, a bik takin chanchinbu mite hian nikum lam aiin kuminah hian an chanchinbu ah uar lehzuala ziak sak turin DC chuan a ngen bawk a ni.

Faina Hapta hman hun hi 3.10.2011 zing dar 7:00 ah Sobji Bazar tualzawlah hman leh nisela, khuallian atan Lunglei Bawrhsap Pu V. Sapchhunga, IAS chu hman nise, chairman tur chu NGO lam atangin nise, a kharna inkhawm hi 10.10.2011 ah Sikuti Hall-ah neih nise tih a ni bawk.