SCERT Mizoram bultumin vawiin May ni 13 atanga May ni 16, 2014 chhung hian Govt. PK Middle School, Chanmari-II, Lunglei-ah sorkar English Medium School-te tan 'Induction Training' buatsaih a ni a. He training-ah hian Lunglei District huamchhunga sorkar English Medium Primary School 9 atangin zirtirtu 70 leh Middle School 6 atangin zirtirtu 53 an tel a ni.

Training chhung hian zirtirtute hi English tawng-a an hmasawnna tur (language proficiency) bakah zirtirna kawnga an hmasawn theihna tur (professional copetence) kawngah zirtirna pek an ni dawn a. Dictionary hmandan tur zirtir an nih bakah anmahni hmasawnna tura pui zel thei tur 'Book Kit' pek an ni bawk. He Book Kit-ah hian SCERT buatsaih lehkhabu hrang hrang leh Oxford Dictionary a tel a ni.

Training pe tur hian SCERT atangin Resource Person 4 an lo kal a, chungte chu - Pi Lalduhawmi Thomte (tutor), Pi Laldampuii (Lecturer), Pi Lalremmawii (Lecturer) leh Pi Esther Lalnunpuii (Tutor) te an ni.

SCERT-in a record danin Lunglei District chhungah hian Primary School 9 leh Middle School 5 te English Medium-ah leh tawh an ni a. Heng school-te hian an bialtu Sub-Divisional Education Officer kaltlangin School Education Director hnenah dilna thehlutin, SCERT-ah interview an hmachhawn hnuah English Medium-ah leh an ni.