No.1444/2020-2021

Lunglei District Covid Care Centre chu SIRD, Pukpuiah ruahman niin peih fel a ni tawh. Vawiinah khan Lunglei CMO Dr Thani Pachuau, Medical Superintendent DR SR Ngurchamliana leh Medical Department staff ten tlawhin inpuahchahna te an endik a ni. 

Helai hmun hi Lunglei District bik tana Covid Care centre tur tiin Covid 19 vei hmuhchhuah te emaw rinhlelh kai te (Rapid Antibody Test-a reactive-te ) dah na tur a ni a, tun dinhmunah khum 16 a awm a ni.

He Covid Care Centre-ah hian Yellow Block leh Red Block siam hran niin Yellow Block hi Rapid Antibody Test (RAT) a reactive, Covid-19 test RT-PCR result nghak mekte leh Covid-19 test RT-PCR result negative-te dahna tur niin Room 4 (pali) awm in Room khatah hian Khum 2( Pahnih) zel a awm a khum leh khum in kar hlat zawng hi 6 feet zel a ni a. 

Red Block hi Covid 19 vei hmuhchhuah awmna tur atana ruahman niin Room 4 (pali) awm in Room khatah hian Khum 2 ( Pahnih) zel a awm a khum leh khum in kar hlat zawng hi 6feet zel a ni bawk a ni.

Doctor te leh Staff Nurse te Group hrang hrang ah in thenin an in Duty chhawk thin dawn a ni.

Room tin ah bawlhhlawh bawm hun niin hei hi Patient ten anmahni in pawna Dustbin lian ah an dah chhuak vek anga chuta tang chuan damdawi hmanga chiah thianghlim vek a ni anga an khua/ veng te tana hlauhawm lo tur a an siam vek hnu ah a paihna hmun tur dik tak ah an paih chauh dawn a ni.