No.7616/2020-2021                            

                Lunglei District chhunga Fair Price Shop Retailer zawng zawng ten ahnuai point tarlan hrang hrangte hi an zawm ngei ngei tur a ni.

1. Quota hi thlabi zela pek a nih avangin thlatir ah pek thin a ni a, quota pek hunah hian harsatna siam phal a ni lova hei hi ngai pawimawhin quota pek hun ruatah hian an khul thei zel tur a ni.

2. Retailer atana appointment pek an nihna hmunah mipui dawr theihna tur remchangah dawr hi an hawng ngei ngei tur a ni.

3. Bukna hi sawrkarin a approved ngei hman tur a ni.

4. Dawr hriattheih turin Sign Board 1x2 hmanga ziak, Retailer hming leh veng, Phone Number, Dawr hawn hun leh Buhfai rate te ziak langin an tar ngei ngei tur a ni.

5. Buhfai pekchhuah reng reng  hi pek zat, pek ni, pawisa pek zat leh eng quota nge tih chhinchhiah nan Register fel taka neih a vawn tur a ni a, buhfai latu-in Register ah hian an buhfai lakna zawnah hming an sign ngei ngei tur a ni.

6. Englaipawhin Fair Price Shop leh Register-te hi endik theih turin an vawng tur a ni.

7. Quota hi thlabi zela pek a nih angin, pekchhuah a nih atanga chhutin thlakhat chhung hawn tur a ni a, pek zawh a nih hma chuan Sunday tiam lovin, nitin 6:30Am-8:30Am & 3:30Noon-5:30Pm chhung an hawng thin tur a ni.

8. Allotment hi thlatin List thar tih chhuah a nih avangin, List thar ang zela pek tur a ni a, Ration Card-ah quota pek a nih rual hian Retailer-in signature & Date pek ngei ngei thin tur a ni. Ration Card ah hian pek zat chiang taka ziah lan tur a ni.

9. Buhfai leh chini te hi sawrkarin rate a siam ang ngeia dik taka pek tur a ni.

10. Buhfai hralh bang reng reng mahni thu thu-a tihral phal a ni lova, Register-ah chhinchhiah a ziah luh thlap zel tur a ni.

11. Ration Card hi anmahni ta a nih loh chuan Retailer reng rengin midang ta an buaipui tur a ni lo.