Vawiin chawhnu dar 12:30 khan Pu Rothuama, Addl. DC Lunglei chuan a office chamber ah Lunglei District Constituency 4 final roll revision a tlangzarh. Pu Rothuama chuan thusawiin Lunglei District Assembly Constituency Pali, 'S' Tuipui (ST), Lunglei 'N' (ST), Lunglei 'E' (ST) leh Lunglei 'W' (ST) final roll revision tlangzarh thei a awm chu lawm awm a tih thu a sawi in, mipui leh political party ten Election office ah entheih a a awm tur thu a sawi bawk. Constituency pathum Lunglei 'S' (ST), Thorang (ST) leh 'W' Tuipui (ST) te chu relief camp a an awm avangin siam fel hman a nihloh thu a sawi bawk.

Pu Mark Lalthanliana, Election Officer pawhin thusawiin final roll revision tlangzarh a ni thei hi lawm awm atih thu a sawi a, hei hi sawrkar leh political party te leh NGOs' hrang hrang te thawhhona that vang a nih thu a sawi bawk. Final roll revision ah hian 'S' Tuipui (ST) ah hian mipa 7078 leh hmeichhia 7178 voters an awm a, Lunglei 'N' (ST) ah hian mipa 7640 leh Hmeichhia 7834 voters an awm a, Lunglei 'E' (ST) ah hian Mipa 6754 leh Hmeichhia 7139 voters awm in Lunglei 'W' (ST) ah Mipa 6531 leh Hmeichhia 7070 voters an awm a ni.