Vawiin chawhma dar 11:00 khan Lunglei Deputy Commissioner office ah Bawrhsap Pu V. Sapchhunga hovin Lunglei District Fire Prevention Committee member te an thu khawm a. Commtt. ah hian Lunglei District chhunga kangmei in ram a tih chhiat nasat dan leh hma lak dan tur te sawi ho a ni.

Lunglei Bawrhsap chuan kangmei ti chhuaktu te hriatchhuah an nih pawn khawtlang hruaitu ten thil tisual tu te ngaihdam an dilsakfo mai chu thil pawi tak a ni, a ti a. He tih lai in veng leh khaw thenkhat a YMA in ramngaw chereu tur an mahni sum atanga leiman chawi a an humhalh thin chu thil entawn tlak tak a ni, a ti. Lunglei S.P Dr. VJ. Chandran pawn plantation reserve leh Forest Department ram pawh ram palaileng ti kang pawh sawrkar ram an tih kan avangin case siam sak theih a nih thu a sawi bawk.

District Fire Prevention Committee hi Lunglei DFO Pu Kawlhnuna chuan a kaihruai a. Meeting ah hian kangmei chhuak tur venhim na kawng a thawktha zual khua te thlan a ni a. Heng khua te hi a hmun ah endik a nih hnuah result siam ani ang. Committee chuan Lunglei District-a village council zawng zawng te hnenah kangmei a lo chhuah in Police Station/Outpost hnai ber ah FIR theh lut thin turin ngenna a siam nghal a ni.