Vawiin chawhma dar 11:00 khan Lunglei District Fire Prevention Committee chu Lunglei DC Pu V.Sapchhunga, IAS Office Chamber ah an thukhawm.

Lunglei District Fire Prevention Committee Chairman ni bawk Lunglei Bawrhsap Pu V.Sapchhung, IAS, chuan kaihruaiin, Pu Kawlhnuna, DFO, Lunglei chuan kalkhawm te hnenah kum 2012 a Fire Prevention lama an hmalakna te report pe in, Lunglei District khaw hrang hrang teh nan a ramkang tur venna kawng a hmalate hnenah lawmman Pawisa fai an pek thu a sawi a ni. Nikum 2011 a lawmman Pakhat na khaw hrang hrang ten ram an tih kan tlem avanga dawng an nih thu te a sawi zawh hian kuminah pawh lawmman Pakhatna Lunglei District hian an dawn leh ngei a rin thu a sawi bawk a ni. Hei bakah hian Fire Prevention chungchanga NGO’s leh kohhran hrang hrang te, zirna in hrang hrang a an hmalakna te, Cable TV, All India Radio lam a hma an lak dan te tarlangin, Lunglei Chanchinbu hrang hrang ten tlawm ngai tak a ram ti kanglo tura a venna kawng te uar tak a an chhuak sak thin avangin an chungah pawh lawm thu a sawi nghal bawk a ni.

Fire Department lam pawhin thu sawiin kumin ah hian Fire Call 34 an dawn thu te, In kang 1 a awm thu te an tarlang bawk a ni. Tin, ram kang venna kawnga veng/khua titha te lawmman hi pek leh ngei nise tha an tih thu sawiin, heng lawmman te hi Sub-Committee in lo ngaihtuah in a pek dan turah hma lo la se an ti bawk a ni.