Vawiin chawhma dar 10:30 khan I&PR Conference Hall Lunglei ah Lunglei District a Health Workers hna thawktute chuan Conference Cum Election an nei a. He hun ah hian Lunglei Bawrhsap Pu V.Sapchhunga, IAS chu khuallian niin Headquarters lam a Health Multipurpose Workers Association hruaitute chuan he hun hi an hmanpui a.
Bawrhsap chuan Health Multipurpose Workers te chu thiamna bik nei leh mipui rawngbawltu an nih avangin phur tak leh thahnemngai taka thawk turin sawrkar in a mamawh a ni a ti. Natna laka mipui venhim hna rim taka an thawh rualin hriselna chungchang ah mipui zirtirna tam zawk an kalpui theih chuan mipui vantlangin nasa zawkin a hlawkna kan tel ngei tur thu a sawi a. Taksa damna atan damdawi pek piah lamah tawngkam tha leh hawih hawmna dawnsawn damlote chuan an mamawh a ni a ti.
He hun Pu R.Lalthanmawia, President, Health Multipurpose Service Association Lunglei kaihruai ah hian an Association member thi ta te pualin sunna hun hman a ni a.
Conference rorelna neih anih hnu ah hruaitu thar thlan na hun hman nghal a ni. Conference zawh hian Lunglei District MJA member ten hruaitu thar thlanna an neihpui a ni.
