Lunglei District chhunga mimal, Pawl leh Kohhran hrang hrangte chu Covid 19 dona kawngah luangchhuak mek zelin nimin khan Tawipui S leh Phairuangkai khawtlang chuan Quarantine centre a awm mekte ei turin an thar chhuah thlai leh thei chi hrang hrang- Nimbu,Theihai, Balhla, Theite ,Mautuai, Antam, Khanghu, Purun, Saisu, Bawkbawn, Iskut, Hmarcha ,Iskut Zik thahnem tak an hlan a ni. Heng thlai thar te hi Lunglei DLTF aiawhin Lunglei SDC Pu K.Lalhlimpuia’n lo dawngin thlai thar phal taka petute chungah lawmthu a sawi a, Covid 19 do kawngah mipuite chu tan ho a pawimawh thu leh tha thlah lova thawhhona tha vawng nung zel turin an chah a ni.