Vawiin chawhnu khan Health & Family Welfare department leh NHM buatsaih in DC Conference Hall Lunglei ah Chairman leh Bawrhsap ni bawk Pi Lalzarmawii, IAS kaihhruaina in Lunglei District Level Joint Reproductive Maternal Newborn Child + Adoloscent Health (RMNCH+A) Review Meeting neih a ni.
Pi Lalzarmawii chuan thu sawi in Nu in nau a pai a, a hrin na ah hriselna a bul a tan a pawimawh a, tleirawl atang a nu leh pa ni tur a inpuahchahna ah hriselna a tan kan lak chuan nu leh pa nih hnu ah harsatna a thleng tlem thin a ni a ti. Nu In naute hrisel tak nei tur chuan RMNCH+A hi hriatchian a pawimawh hle a, nau pai lai in nutrition tha ei hian nu nau pai tan hriselna atan a tangkai thu a sawi. RMNCH+A hi Mizoram District Pali(4) Lunglei, Lawngtlai, Saiha leh Mamit ah te kalpui mek a ni a, hemi ti hlawhtling tur hian Health Department bak ah Department hrang hrang kaihhnawih te NGO’S nen a tang ho a Mizoram mai bak India ram pumpui a hlawhtlin theih nan tan ho a pawimawh hle a ni a ti.
Dr.VLMS Dawngliana, CMO Lunglei in RMNCH+A hmalak tawh na leh hmachhawp te hrilh hriatna nei in Lunglei District ah District Hospital 1(pakhat), Sub Divisional Hospital 1 (pakhat), Public Health Centre 9 (pakua) leh Sub Centre 24 (sawmhnih pali) a awm a, kum 2015 – 2016 ah nau pai lai a thi 4(pali) awm in kum 2016-2017 ah 2 (pahnih) an awm a ni a ti. Kum 2015-2016 ah nau piang thi 79 awm in kum 2016-2017 ah naupiang thi 24 an awm a ni. Rastrya Bal Swasthya Karyakram (RBSK) team 4 ten Lunglei District School zirlai 29494 te hriselna that leh that loh an enkual thin a ni.
Dr.Anil leh Dr.Bhaivab UNICEF ten Lunglei District chhung ah kal kual in RMNCH+A zirchianna leh zirtirna Health Department , Tlawmngai pawl leh khawtlang hruaitute hnen ah an pe thin a ni.
