No.4365/2020-2021

Vawiin khan Lunglei DC leh District Level Khelo India Executive Committee chairman ni bawk Pu V.Lalsangliana, IAS kaihhruaiin a office chamber-ah Lunglei District Level Khelo India Executive Committee neih a ni.

Meeting ah hian Lunglei Additional DC Pu R. Vanrengpuia, District Sports & Youth Officer Pu C.Lalremsanga leh official dangte leh Lunglei District Sports Committee (LDSC) hruaitute an tel.

Vawiin meeting-ah hian Lunglei District atana Khelo India Centre ruat tur chungchang ngaihtuah niin infiamna hmun pahnih - Sazaikawn Multipurpose Indoor Hall leh Lena Stadium chu Committee chuan Lunglei District Khelo India Centre atan a thlang chhuak a. Sawrkar laipui nen tangkawpin heng Centre-ah te hian sports discipline thlan bikah te training ngawrh taka kalpui tur a ni a. He hmalakna atan hian vawiin committee chuan Lunglei District atan sports discipline paruk hengte – Boxing, Badminton, Hockey, Judo, Table Tennis leh Football an thlang a ni. Heng rawtna te hi State sawrkar-ah thehluh tur niin chumi hnu chuan sawrkar laipui ah thlen leh a ni ang.

Sports lama mi hlawhtling pahnih (mipa pakhat leh hmeichhia pakhat) Committee member atana ruat belh tur niin vawiin meeting chuan Pu P. Lalchamliana, Venglai leh Pi F. Zohmingliani, College Veng te ruat ni se tih a rel bawk.

Attachment

  • Loading attachment...