Vawiin khan DC Conference Hall, Lunglei-ah Electoral Roll ennawnna Special Summary Revision of Electoral Rolls, 2019 neih tur atana inbuatsaihna kal zelah Lunglei District Level Standing Committee (DLSC) chu Lunglei DC leh DEO ni bawk Dr Ankita Chakravarty, IAS hovin an thukhawm. He hunah hian election lam kaihhnawih sawrkar official-te bakah Political Party hruaitute leh tlawmngai pawl aiawhte an tel.

Meeting kaihruaitu Dr Ankita Chakravarty chuan Special Summary Revision of Electoral Rolls, 2019 chungchang sawiin Election Commission of India (ECI)-in ruahmanna a siam angin 22nd February, 2019 (Friday) ah Final Electoral Roll tlangzarh a ni dawn a ni, a ti a. Inbuatsaihna hi chak taka kalpui mek zel niin Lunglei District tana Integrated Draft Electoral Roll chu karleh nilaini 26th December, 2018 ah DEO Office, ERO Office,AERO Office leh BLO Office-ah te tarchhuah a ni anga, hemi ni atanga nakkum 25th January, 2019 thleng thun belh duh leh sawisel tur nei te tan hun hawn a ni anga, hemi chhunga thun belh dilna leh sawiselna awm te chu nakkum 11th February, 2019 thleng endika chinfel a ni anga, hemi hnu hian thil tihfel ngai te tifelin, Electoral Roll chu 22nd February, 2019 ah peih fel a ni ang. Lunglei District-in Roll thianghlim leh dik tak a neih theih na turin Dr Ankita Chakravarty chuan sawrkar hnathawk, tlawmngai pawl leh political party hrang hrang aiawh kalkhawmte chu theihtawp chhuah theuh turin a sawm.

A hnuaia tarlan ang hian ECI in ruahmanna a siam angin Special Summary Revision of Electoral Rolls 2019 hi kalpui tur a ni:

S No

Activities

Period

 

1

Integrated Draft Electoral Roll Tlangzarh

 

26th December, 2018 (Nilaini)

2

Electoral Roll ah thun belh duh leh sawisel neite tana hun hawn chhung (Period for filing Claims and Objections)

 

26th December, 2018 to 25thJanuary, 2019

3

Sawiselna awmte endika chinfel hun chhung

11th February, 2019 hma in

 

4

Final Publication of Electoral Roll

22nd February, 2019

 

 

35-West Tuipui AC chhunga Sugarbasora leh Chawnpui leh 29 – South Tuipui AC huamchhunga Denlung sub village ah te Polling Station hman mek mipuite tan pan a harsat avangin vawiin meeting-ah hian Polling Station thar siam turin Election Commission of India ah dilna thlen ni se tih DLSC chuan a rel a. Hemi bakah hian Polling Station thenkhat chu building hman mek a that tawk tawhlo avangin leh pan a harsat avangin Building dangah sawn ni se tih Committee chuan relin Election Commission of India (ECI) ah bawhzui leh a ni ang.

 

Attachment

  • Loading attachment...