Vawiin khan Pu Benjamin Lalzama, Lunglei Additional DC kaihhruaina in a Office Chamber-ah Teachers Day 2018 hman dan tur relin District Level Working Committee for Celebration of Teachers Day 2018 thutkhawmna neih a ni.

Pu Ramthianghlima, DEO, Lunglei leh Member Secretary ni bawk chuan nikum 2017 Teachers Day hman dan tlangpui leh Fund hmuh dan te a sawi a. District Level Working Committee chuan Kumin Teachers Day chu mahni school theuh ah a remchan dan anga hman leh nise tih a rel a.  Zirtirtu natna khirh tak tak tawkte tanpui nan NFTW sum tuakna atan Directorate lam atanga ruahmanna an siam angin Zirtirtu tin ten Rs.50/- (Govt. leh Private Zirtirtu) theuh thawh tura an lo tih angin ngen nise, school naupangte chu tihluihna nilo in an remchan angin tanpuina tur pe ve se tih a ni. Teachers Day pualin thuchhuah Dr. Ankita Chakravarty IAS, Deputy Commissioner, Lunglei in AIR, Cable Network leh Local Newspaper ah tihchhuah nise tih a ni a, Lunglei khawpui chhung hmun laili ah Banner panga (5) tar tura tih a ni bawk a. Sub Division ah chuan SDO (C) kaihhruaina in an mahni remchan dan ang a Teachers Day 2018 chu hmang tura hriattir nise tih an rel bawk.