DGP Mizoram-in ‘In-service Training Calendar 2015’ chhunga ruahmanna a siam bawhzuiin Mizoram Police-te intuaihriamna atan thla tin Training buatsaih tur a ni a. Vawiin khan a thawh khatna atan Lunglei District huam chhunga Police Officer (Investigating Officer) te tan Lunglei SP’s Conference Hall-ah ni 27.3.2015 - 31.3.2015 chhung awh tur ‘Course on Investigation’ Training neih tan a ni.

He training hawnna inkhawm Dy. SP Hqrs. Pu Ramtharnghaka kaihhruaiah Lunglei SP Pu Zosangliana chuan hun inher danglam ang zel milin Police te pawh intuaihriam zel a pawimawh thu a sawi a. Police hna pawimawh tak pakhat Case siam leh chhui dan tur kawngah an hriattur pawimawh hrang hrang zirna hun remchang a awm thei chu a lawmawm takzet a ni, a ti bawk. Lunglei District-a Investigation khawih Police Officer te chuan he training chhung hian FIR register dan te, Danin a phal anga Case chhui dan te, misual emaw rinhlel thua mi an mante thu zawh dan leh taksa dap dan tur te, Scientific taka Case chhui dan te leh Final Investigation Report ziah dan te zir a ni dawn a, chuvangin Police officer kalkhawmten he training hi tangkai taka an hman ngei theih nan duhsakna a hlan a ni.

Ni 3 chhung awh tur Police Training chhunga zirtir tur Resource Person-te pawh uluk taka thlan niin tun tum training-ah hian Lunglei SP Pu Zosangliana, Lunglei SDPO Pu B.Laldingngheta, SDPO Lunglei leh Dy. SP Hqrs. Pu Ramtharnghaka ten thupui hrang hrang hmangin police officer-te training an pe dawn a ni.