Kar hmasa ni 9.12.2014 (Thawhlehni) khan District Prohibition Comittee chu an Chairman Lunglei DC Pu Ashish Madhaorao More hovin a office chamber-ah an thukhawm a, kumin Krismas leh Kumthar vuak vetah boruak muanawm tak hnuaia mipuiten he hunpui an hman theih nan tanlak dan tur an sawiho a ni.

Prohibition Committee thukhawm thurelte chu hetiang hi a ni :

1. Sipai atanga civil mite hnena Dan kalha zu an hralh chhuah thin chu ti tawh lo turin an C.O. te hnenah ngen nise.

2. Kam danga tih thin angin Protection Squad din ni leh se; heng hian Lunglei North, South leh West-ah te then nise.

3. Protection Squad tinah Executive Magistrate awmin DPC member ten an pui bakah Excise leh Police force engemawzatin an zui zel bawk ang. Protection Squad te hian tul an tih dan ang zelin an duty-na tur area hi an tlawh kual thin dawn bawk a ni.

4. Lunglei Town chhunga YMA Branch hrang hrang te chuan Information Centre / Duty Post te siamin he hun pawimawh chhung zawng chuan YMA te an duty reng dawn a ni.