Tukin khan School Education Parliamentary Secretary Pu Joseph Lalhimpuia chuan Lunglawn Field-ah Lunglei District Secondary School Games 2017 chu a hawng.

Pu Joseph Lalhimpuia chuan zirlai naupangte chu infiamna tha an neih chhoh mek avangin an vannei a tih thu a sawi a. Talent tha tak tak an dawn te chu peipung a, ruihtheih thil laka inthiar fihlim tlat turin a chah a ni. School dang atanga zir tur thar hawn theuh tura chah in, thian thar te chhar haw turin a chah bawk a ni. Zirlai leh zirtirtu te thawh rah chu Zoram mipuiin an tel mek a ni a ti a, zirtirtute chu nakina kan ram hruaitu tur chhertute an ni tiin, sawrkarin theihtawp a chhuah angin, zirlaiah theihtawp chhuah ve turin a ngen bawk a ni.

Lunglei District Secondary School Games 2017 hawnna inkhawm hi Govt. Leitlangpui H/S Headmaster Pu V. Lawmzuala’n a kaihruai a. Pu R. Vanlalthiana, BHSS chuan thutiam lak tirna a nei nghal a ni. He sports ah hian Lunglei khawpui chhung atangin high school 26 leh Lunglei khawpui pawn atangin high school 11 te an tel a ni.