1301/2022-2023
Lunglei the 20th July, 2022 : Vawiin khan Lunglei DC Pu Kulothungan A kaihhruaiin DC Conference Hall-ah Lunglei District Sports Committee kalpui dan tur chungchang meeting neih a ni.

He meeting-ah hian a kaihhnawih sawrkar official-te bakah football, hockey, basketball, volleyball, badminton, cricket, table tennis, tennis, boxing, chess, carrom, draughtboard, karate, taekwondo, shooting, judo, athletics, motorsport, body building & fitness, snooker, arm wrestling, power lifting, wushu, kick boxing, wrestling, tug of war, adventure leh weightlifting association hruaitute koh an ni.

Meeting kaihruaitu Lunglei DC Pu Kulothungan A chuan Mizoram Sports Policy, 2019 leh Mizoram State Sports Council (Formation and Functioning of District Sports Committees) Regulation, 2022 zulzui in Lunglei District Sports Committee chu kalpui anih tur thu a sawi a. He regulation hnuaiah hian District tin DC te chu an District Sports Committee ah ex-officio Chairman ah ruat an nih thu a sawi a. Lunglei District-a infiamna leh infiammi te ti hmasawn zel turin sports discipline hrang hrang association hruaitute thawhho leh hmalak puiah a sawm a ni.

Mizoram State Sports Council (Formation and Functioning of District Sports Committees) Regulation, 2022 chu zirho a ni a. He regulation-in composition a siam angin District Sports Committee-ah hian Chairman chu Deputy Commissioner niin Secretary chu District Sports & Youth Officer a ni a, Mizoram State Sports Council (MSSC) recognized sports association President theuh te member an ni bawk a. Hemi bakah hian I&PR, UD&PA, RD, Revenue, PWD, PHE, H&FW, School Education aiawhte chu ex-officio member an ni ang. Financial Secretary chu DSC ruat tur niin Senior Vice Chairman, Vice Chairman leh Assistant Secretary te chu thlan tlin (elect) tur an ni.

Elected Office bearer pathum Senior Vice Chairman, Vice Chairman leh Assistant Secretary tana election chu August ni 26-ah neih turin vawiin meeting hian a rel a ni. OB term hi kum 2 chhung a ni dawn a ni.

Attachment

  • Loading attachment...