1156/2023-2024

Lunglei the 17th July, 2023: Vawiin khan DC Conference Hall, Lunglei ah Pi Ramdinliani, IAS Deputy Commissioner leh Chairman, Lunglei District Sports Committee ni bawk kaihhruaiin Lunglei District Sports Committee meeting neih a ni. He Committee ah hian LDSC hnuai a Sports Association hrang hrang leh ex-officio member te an tel a ni.

Pi Ramdinliani chuan District Sports Committee hi Sorkar din a ni a, Sorkarin Scheme hrang hrang duan te rualkhai zawka a kal theih nan District Sports Committee din a nih thu a sawi a. Lunglei District a infiamna leh infiammite hmasawn zelna turin sports dicipline hrang hrang Association te thawhhona tha tak leh ngaihtuahna tha ber seng a kalpui turin a sawm a ni.

He hunah hian Lunglei District Sports Committee Meeting in Mizoram State Sports Council leh LDSC atanga sum hmuh te hman dan tur Committee chuan ngaihtuah in Sorkar atang a sum hmuh leh LDSC thawhchhuah atangin Inter District Championship a tel tur te hnenah travelling allownces sumo rate angin per head a pek ni thin se tih rel a ni. LDSC hnuaia Association ten State Level Championship emaw District Level an thlen emaw an buatsaih dawn chuan a tul angin tanpuina an dil chuan pek nise tih leh North East emaw National emaw International emaw atanga Medal la te hnenah LDSC anga chawimawina pek thin nise tih rel a ni bawk.

LDSC in  Ni 1.9.2022 - 7.7.2023 chhunga an sum hmuh chu Rs 3,08,783/- niin hman ral tawh Rs 34,640/- a ni a, balance  Rs 2,74,143/- an la nei a ni. Kumin 2023-2024 chhung hian Mizoram State Sports Council atangin Promotional Fund Rs 3,45,000/- an hmuh tur thu tarlan a ni bawk.