Vawiin chawhnu Lunglei DC mawhphurhna la mektu Pu K. Lalrohlua kaihhruaiin a pisaah National Urban Livelihood Mission (NULM) hnuaia Lunglei District Task Force Committee an thukhawm.

He meeting-ah hian NULM peng pakhat Self Employment Programme (SEP) kaltlanga kum 2016-17 chhunga Lunglei khawpuia bank-te hmalak dan thlir hona neih a ni a, kum 2017-18 chhunga NULM hnuaia loan chi hrang hrang an pek chhuah dan tur ruahmanna siam nghal a ni. Heng bakah hian SEP hnuaia individual loan dilte interview dan tur sawiho a ni a. Committee chuan SEP-Individual loan diltute atanga hming engemaw zat chu CMMU level-ah thlit fim hmasak nise a ti a. Heng mi thlanchhuahte hi District Task Force Committee hmaa interview leh an ni ang.

Kum 2017-18 atan SEP Individual hnuaiah 45, SEP Group Enterprise hnuaiah 10 leh SEP SHG-Bank Linkage hnuaiah 35 ruahman a ni a. SEPIndividual  loan dilna thehlut mi 205 an awm a ni. Lunglei khawpui chhungah bank branch 13 an awm mek bawk a ni.