Vawiin chawhnu khan DC’s Conference Hall, Lunglei ah Pu R. Vanrengpuia, Adll. Deputy Commissioner kaihhruainain Lunglei District Task Force for Immunization(LDTFI) leh National De-Worming Day (NDD) hmandan tur chungchang meeting neih a ni. Meeting ah hian Dr. L.C .Liana, Chief Medical Officer, Dr. Lalrinthangi, SMO ,Official te bakah YMA leh MHIP aiawh te an tel a ni.

Pu R. Vanrengpuia chuan meeting tura lokal te a lo lawmin ,a bik takin Tlabung leh Lungsen atanga member lo kal te hnenah lawmthu a sawi a ni. Meeting-ah hian agenda pali National De-worming Day 2021, Covid 19 Vaccination, Mission Indradhanush 3.0 leh IPPI te hmandantur  ngaihtuah  leh thlirlet na neihtur thu a sawi a ni.

Dr. Lalrinthanga, SMO, Lunglei chuan  National De-Worming Day hi kumtin February leh August thla ah naupang kum 1-19 te hnenah rulhut hlo(Albendazole) pek thin a ni a, kuminah chuan naupang 52787 te hnenah Rulhut hlo( Albendazole) pek tum ani.NDD hi February ni 22-ah Govt. High School ah hawnna neih pah a pek tura ruahman  ani, hemi ni a la hman lo te tan ni 7 hnuah pek nawn leh ni siam thin a ni ati. Lunglei District ah Covid 19 vaccine(Covishield) hi January ni 16 ,2021 atang khan Health Care Worker te hnenah pek  tan niin mi 2180 target ah mi 1415 te hnenah pek an ni.Covishield supply thlen veleh Front Line Worker te hnenah pek a ni ang a ti. Mission Indradhanush 3.0-ah Cherhlun PHC hnuaia Ngharchhip khua leh Tabung Sub Division Hospital hnuaia khaw 16 a naupang kum 2 hnuailam 59 leh Nu naupai 13 te hnenah vaccine pek tura ruahmanna siam ani a. Naupang kum 5 hnuailam te hnenah Zenghri danna 14636 pek tura ruahmana siam ani a ti bawk. Heng hmalakna leh ruahmanna ah hian Health Dept. chuah hian a kalpui thei lova, Dept. hrang hrang leh NGO’s tawiawmna a ngaih thu a sawi a ni.

Attachment

• Loading attachment...