No.7701/2020-2021               

Vawiin khan Lunglei District Task Force for Immunization (DTFI) chu an chairman, Pu R. Vanrengpuia, Addl. Deputy Commissioner, Lunglei hovin ama office chamberah an thukhawm. Lunglei District a Intensified Mission Indradhanush 3.0 1st round hmalakna leh Covid- 19 hri danna (vaccine) pek mek chungchang leh hma lak zel dan tur sawi ho a ni.

He thut khawmna ah hian Dr. Lalrinthangi, District Immunization Officer, Lunglei  hnen atangin healthcare worker leh frontline worker te hnenah Covid- 19 hri danna 1st dose leh 2nd dose pek tawh dan report  ngaihthlak a ni .  VLTF, force hrang hrang , kum upa leh natna khirhkhan zual nei te hnenah  Covid- 19 hri danna pek dan tur ruahmanna te sawiho a ni bawk.

 IMI 3.0 1st round  chu Cherhlun PHC huam chhunga khaw 2 ah naupang target 11 - ah 11 -te hnenah vaccine pek a ni a, Tlabung SDH a khaw 16 ah naupang target 31 ah 31 te hnenah vaccine pek niin  nu naupai 10 target ah 10 te hnenah vaccine pek ani bawk.  Covid - 19 hri danna chu January ni 16, 2021 khan Lunglei District ah healthcare worker , ASHA leh Anganwadi worker te hnenah hri danna pek tan niin 1st dose hi mi 1544 in an la a, 2nd dose mi 1276 in la in fronline worker(BSF leh Assam Rifle) mi 2117 te hnenah 1st dose pek chhuah  a ni. Frontline worker hri danna pek hmabak la awm Lunglei khawchhung a VLTF te hnenah ni 6th, March’2021 atangin Venglai Baptist Biak In Sande Sikul  Hall leh Chanmari Baptist Biak In Sande Sikul Hall ah Vaccine pek tura ruahman a ni. Kum 60 chunglam leh kum 45-59 inkar natna khirkhan zual neite pawh Christian Hospital, Serkawn ah hri danna (Vaccine) pek mek zel an ni . Lunglei District chhungah Covid 19 hri danna hi Sub Centre tina pek tura ruahman na siam niin a remchan loh chuan Community Hall  ah pek tura ruahman a ni. Private Hospital a,Sorkar in  Covid- 19 hri danna pe tura athlan ah Rs 250/- chawia lak  theih a ni bawk.