No.2239/2021-2022

Aizawl the 16th, Sept' 2021: Vawiin khan Lunglei District Water & Sanitation Committee (DWSC) chu an chairman, Lunglei Bawrhsap Pu Kulothungan A, IAS hovin DC's Conference Hall ah an thukhawm . Azadi Ka Amrit Mahotsav (AKAM) kalpui chhunga hmalakna tur hrang hrang te an sawi ho.

Chairman Pu Kulothungan A chuan Lunglei District chhunga faina leh thianghlimna kawnga hmalakna kal mek chu tha taka kalpui a ngaih thu sawiin , faina hi mitin mawh anih rual in sorkar hotu leh khawtlang hruaitu te mite entawn tura hmahruaitu nih a pawimawh thu a sawi bawk.

DWSC Member Secretary Er. Laltlanchhunga, Sr. Executive Engineer, PHED Lunglei WATSAN Division chuan Swachh Bharat Mission hnuaia India ram pum faina beihpui thlak mek chu kalpui zel a ni a. Department of Drinking Water and Sanitation chuan India ramin zalenna a hmuh atanga kum 75 na lawm nan "Azadi Ka Amrit Mahotsav" chu ruahman anih thu leh hemi ah hian faina kawnga beihpui thlak dan tur hrang hrang duan anih thu a sawi a. Azadi Ka Amrit Mahotsav hnuaiah hian faina kawng a hmalakna tur hrang hrang Satyagrah Se Swachhagrah Rath Yatra , Swachhta Hi Seva , Swachhta Samvad, Sthayitva Evun Sujalaam Abhiyan leh ODF-Plus chungchanga Wall Painting leh Slogan writing te chu beihpui thlak tur te an ni a ti. Azadi Ka Amrit Mahotsavhuam chhungah hian Satyagrah Se Swachhagrah Rath Yatra leh Swachh Hi Seva chu nimin ni 15, September, 2021 khan PHED Rural Watsan Division Lunglei buatsaih in faina beihpui kawng zawhna neih ani a, Swachhata Samvad leh Sathayitva Evum Sujalaam Abbiyan leh ODF-Plus chungchang Wall painting leh Slogan writing chu a remchan dan ang a Lunglei District chhung ah hman tura ruahman a ni ang.