Vawiin chawhma dar 11:00 khan Lunglei DC’s Conference hall- ah Lunglei District a sawrkar pisa a meizuk khap kawnga tithate leh tichhia te puanna hun hman a ni a.Meizuk khap kawng a ti tha ber chu SP Office Lunglei niin CMO Office leh Govt. Leitlangpui HSS pahnihna niin DEO Office chu pathumna ah puan a ni. Heng result tha neitu hnenah hian ‘ZAMZO AWARD’ Certificate hlan an ni.

Result puanna Programme a thusawitu District Bawrhsap chuan kan lo hrisel zawk nan leh damlo enkawlna a kan sum hman tihtlem nan meizuk do hi a pawimawh a ni a ti. District Anti-tobacco squad Chairman ni bawk Bawrhsap chuan sawrkar pisa leh vantlang puipunna ah meizuk a lo tlem zawk nan chak taka hmalak zel a ni ang a ti bawk.

Result puanna Programme hi Dr.F.Lallianhlira, CMO in a kaihruai a, Meizuk do kawnga titha te zawn chhuah dan leh tehkhawng hman dan te Pu Z.T Vawra Hmar, District Co-ordinator, South Mizoram Tobacco Control chuan sawi fiah in result a puang nghal a ni. Office thenkhat meizuk dona kawnga hnufum deuhte zingah State Bank of India, Lunglei Branch leh Bawrhsap pisa te an tel a ni.