No.1212/2020-2020

Nimin (18th May, 2020) khan Lunglei District Level Task Force on Covid-19 chu Chairman Lunglei DC Pu V.Lalsangliana hovin neih a ni a. Chairman chuan Lunglei kohhran hrang hrang ten sawrkar ngenna chhangin an kohhran hall-te tangkhang lo haw te khungranna – ‘Community Quarantine Facility’ atan hman an phal thu Meeting-ah hian a tarlang a ni.

Tun dinhmunah Lunglei khaw chhunga kohhran 16-ten an hall Quarantine Facility-a hman an phal thu DLTF an rawn hriattir tawh a, hemi bawhzui hian vawiin khan Lunglei District Level Task Force on Covid-19 te chu group pali (4) ah inthenin heng kohhran-te hi an tlawh kual a, an hmunhma leh facility neih te an endik a, anmahni lo dawngsawngtu kohhran hruaitute leh VLTF-te nen inkawmin ruahmanna an siam pui a ni.

Tun dinhmunah Lunglei District ah quarantine facility 19 a awm mek a. Hengte hi Lunglei khawpui leh a chhehvelah pariat (8), Tlabungah pasarih (7), Marpara S ah pahnih (2) leh Bunghmun leh Lungsen ah pakhat ve ve an ni.

Lunglei District mi leh sa tangkhang rawn haw duh hming pe tawh te chu tun dinhmunah mi 960 (mipa – 496, hmeichhia - 464) an ni a. Tangkhang rawn haw belh turte dawl zo tur Quarantine Facilities tur ngaihtuah mek zel a ni a, hetih lai hian rawn haw tur zat hi a danglam ve zel avangin district thuneitute chuan a tul angin ngaihtuahna an seng zel bawk a ni.