Vawiin chawhma dar 10:30 ah tanin Saikuti Hall Lunglei ah Govt. College, Lunglei Fresher Social Function neih ani. He fresher social function hi Pu Lal Thanzara Parliamentary Secretary in a hmanpui a ni.
He  Function a thusawiin Pu Lal Thanzara chuan College kal tharte  school uniform hlip a  college student an nih  na  chu lawmpuiin mawhphurhna sang zawk ah an kal a ni tih an hriat a duh thu a sawi. Chuvang  chuan tum mumal nei taka college life hmanga lehkha zir turin a  chah hlawm. First year an nih atanga theih tawp chhuah a lehkha zir a ,a tha thei ang ber a pass thei tur a  zir theuh turin a chah. Chuti nilova college campus a class kal mumal lova   nilen ve ringawt an nih chuan, nakin ah an  inchhir hle dawn a ni,a ti.  Mizo te zuk leh hmuam ah kan fimkhur loh avangin cancer vei tamna ber kan nih te, sex ah kan fimkhur loh avanga HIV/AIDS tamna kan nih hre reng in zirlai te fimkhur turin a chah bawk. Zirlai te aia upa zahna kawng ah kan tla hniam a,hei pawh in en let a nungchang mawl vawng nung leh turin a sawm bawk. YMA ten ruihhlo do an tan leh na kawngah pawh a tanpuitu kan nih theuh a ngai a ni a ti. Mi dangah innghat lovin mahni in rintawk nan nen kan zir leh nun uluk a ngai a ni, a ti bawk. Mizoram Flagship Programme NLUP sawi langin he  scheme hmang hian sawrkar chuan mirethei te khaichhuah a tum a. Power leh Electricity lamah pawh kan intodelh nan sawrkar in theihtawp in kawng hrang hrang in hma a la mek a ni a ti. Zobawk Sport Complex pawh a puitlin thuai theih nan chak taka hmalak anih thu a sawi bawk.

Lunglei Government College ah hian kumin ah kalthar 317 awm in  tunah hian  zirlai 583 an nei mek a ni. He college  atanga kum kaltaa student pass percentage pawh Arts ah 92 % innin Science ah 100 % a ni a, MZU Topper te pawh an awm thu report ngaihthlak a ni bawk.