Mizoram Chief Minister Pu Lal Thanhawla ruahmanna siam anga, Lunglei khawpui chhunga sawrkar hnathawkte awmna tur, Govt. Housing Complex siamna hmun tur chu January ni 8, 2010 chawhnu khan HPC Vice Chairman Pu Joseph.Lalhimpuia'n a hmunah a en.
Lunglei a Govt. Housing Complex siam nan hian Soil Deptt ram Farm veng a mi chu ruahman a ni a, helai hmunah hian sawrkar hnathawk In leh Lo neilo chhungkaw thahnem tak te chenna tur In a sak theih dawn niin, ruahmanna siamtu lam chuan an sawi a ni. Govt. Complex siamna tur hian DPR siam tawh niin, sawrkarlaipui ah sum dil mek a ni a, a thawhkhatna atan cheng vaibelchhe 15 dil phawt a nih thu HPC Vice chairman chuan a sawi a, sum hi reilote ah hmuh theih mai an beisei thu leh sawrkar laipui in sum a pekchhuah velah hna thawh tan nghal tum a nih thu Pu Joseph.Lalhimpuia chuan sawiin, Chief Minister hmalakna avangin Lunglei ah sawrkar hnathawk In leh Lo neilote tan Govt. Complex changtlung tak kan nei thuai dawn a ni a ti. Hei bakah hian Lunglei Chanmari venga a Children Park chu HPC Vice Chairman hian tlawh bawkin helai hmun siamthat dan tur leh khawpui timawi tur leh mipuite tana hman tlak zawka cheibawl dan turte an enfiah bawk a, a tul anga ruahmanna siam turin Deptt lam hotute pawh a ngen nghal bawk a ni.
HPC Vice Chairman in heng hmun a tlawhkualna ah hian FJ Liantluanga, ADC Lunglei bakah Officer thahnem tak leh Media lam ten HPC Vice Chairman hi an tawiawm a ni.
HPC Vice Chairman in heng hmun a tlawhkualna ah hian FJ Liantluanga, ADC Lunglei bakah Officer thahnem tak leh Media lam ten HPC Vice Chairman hi an tawiawm a ni.
