No.1349/2021-2022 

Lunglei the 12th July 2021 – Lungleia lirthei khalhtute leh mipuite an lo him zawk theihna tura Lunglei HPC leh DTO Lunglei te tangkawp hmalakna hnuaiah vawiin khan Lunglei HPC Vice Chairman Pu Lawmawma Tochhawng chuan Lunglei Town Area chhunga VC Pakua (9)-te Hnenah Traffic Convex Mirror sawmpakua (19) a hlan a ni. Hlanna inkhawm tawi hi vawiin chawhma dar 11-ah khan HPC Office kawtzawlah neih a ni.

Hlanna inkhawm Pu Vanlalruata Pautu kaihhruaiah HPC Vice Chairman Pu Lawmawma Tochhawng chuan Lunglei khawpui thang zelah lirthei a pung chak hle a, lirthei khalhtute leh mipuite kan fimkhur tlan a tul takzet a ni tiin Traffic Convex Mirror-te chu tangkai taka hman a nih ngei a beisei thu a sawi a. Heng Convex Mirror-te hi vantlang hmun ualau taka dah tur an nih avangin mipuiten neitu thinlung pu chunga kan enkawl a tul a ni tiin a nih tur ang ngei hman tangkai a nih theihnan VC-te chu a humhalh kawngah pawh theihtawp chhuah turin a ngen a ni.

Transport Department leh VC-te inrawn tlangin heng Traffic Safety Convex Mirror te hi Lunglei khawpui chhung traffic tamna, accident lo thlen thin tawhna, chetsual palh hlauhawmna hmun 15 ah dah an ni ang.

1. Pukpui kawn ( Pu Hrangchhunga in kawt) - pahnih

2. Zotlang (Tourist Logde peng) Chawngbawla Point

3. Christian Hospital Serkawn  (Nuchungi Traffic point)

4. Zohnuai Pengthuam

5. Kikawn kual ( Pu Siamhlira inkawt kual)

6.  Bazar Veng TT hall thlang ( TVS CK Auto Tech kawt kual)

7. Bazar veng, Rev. Vanlalhruaia in kual (Property House bul)

8. Bazar veng Parallel Road peng ( Sawia Traffice Point  kual)

9. Electric Veng Taxi Stand ( Pu Zanghina in kual ) - pahnih

10. Pu Rosanga, Electric Veng in kawt kual, Auto Rickshaw Stand

11. PL Mangura Hotel  kawt, Chanmari-III ( S.Dinga Traffic Point peng thuam ) Faith Hospital kawt

12. Chintage kawt kual, Chanmari (C.H.S, OPD,Falkawn)

13. Falkawn Ramthar peng

14. AOC, Lily Wok Shop peng - pahnih

15. Southern Gas  service kual