No.1587/2021-2022 

Lunglei the 27^th July, 2021 – Ramri a buaina chhuak mek leh hemi kaihhnawiha dan leh thupek kenkawh leh hmalak tul dangte sawiho turin nimin tlai khan Lunglei DC Conference Hall-ah Lunglei HPC Vice Chairman Pu Lawmawma Tochhawng kaihhruaiin meeting neih a ni. Meeting-ah hian Lunglei DC Pu Kulothungan A, SP Pu Rex Zarzoliana Vanchhawng, 2^nd Battalion MAP Commandant Pu Saidingliana, Sub Hqrs YMA, Mizo Zirlai Pawl (MZP) and Mizo Students’ Union (MSU) hruaitute an tel a ni.

Lunglei HPC Vice Chairman Pu Lawmawma Tochhawng chuan ramria buaina chhuak mek avangin Lunglei District mipuite chiai lo turin a chah a. He hun harsa kan tawh lai hian Sawrkar, tlawmngai pawl hrang hrang te leh mipuite kan tan ruala, hma kan lak tlan a tul takzet a ni tiin mipuite chu sawrkar thuchhuah ngaichanga, social media leh hmun dangah thu belhchian dawl lo thehdarh lo turin a chah a. District mipuite chu mahni ei leh in mamawh tawk aia tam inchhekkhawl lo tur leh dawrkai leh sumdawngte chu dawr bungrua chheprelh emaw, Maximum Retail Price aia to emawa hralh lo turin a chah a.  Kan zinga cheng hnamdang te lakah dawhtheihna kan lan tir tlan a tul a ni, a ti bawk.