N.H. 54 AOC Lunglei leh Zobawk inkar kawng siamtha tura Mizoram Auto Rickshaw Owner Association leh Taxi Owners’ Association, Lunglei ten an nawrna kalzelah inhriatthiam lohna a thlen theih avangin vawiin khan D.C. Office Chamber-ah BRTF hotu Col. K.N.Sahu, PWD EE Pu C.Liantluanga leh Auto Rickshaw leh Taxi Owners’ Association hotuten uluk taka sawihona neih a ni a, a hnuai ami hi tun dinhmuna thudik tak a nih avangin inremna lungrual takin an siam ta a ni.

He kawng hi PWD kutah BRTF te hian an hlan dawn a, hemi endik hna hi February karkhatna ah PWD leh BRTF hotuten an nei dawn a, chumi hnuah a rang thei ang bera inhlan tur a ni. Hetiang hi a nih avangin BRTF hotupa in Ocober 2009 a he kawng siamtha tura a lo tiam tawh, mahse, PWD a hlan tur a nih avanga an Estimate siam anga sanction pek a nih tak loh avanga he kawng hi siamtha thei ta lo an nih he meeting hmaah a sawi hi hriatthiampui a ni a, chuvangin Auto Rickshaw leh Taxi Owners’ Association ten an hmalak mek lai an ti tawp nghal ang. He inremna hian Association te rorel kal tawh zawng zawng hemi chungchang hi a cancel vek a ni.