2029/2022-2023

Lunglei the 23^rd September, 2022- Vawiin khan Lunglei District Election Officer Pu Kulothungan A chuan Lunglei DC Conference Hall-ah Lunglei Municipal Council atana Draft Electoral Roll 2022 a tlangzarh a. Roll hi political party-te hnenah a hlan nghal a ni.

Tlangzarhna ah hian Municipal Electoral Registration Officer (MERO), Assistant Municipal Electoral Registration Officer (AMERO), political party hrang hrang aiawhte leh Sub Hqrs YMA hruaitute an tel.

Lunglei Municipal Council Draft Electoral 2022 ah voter 40,265 awmin mipa 19,028 leh hmeichhia 21,237 te an ni. Ward No 8 (Ramthar, Farm Veng) ah voter tam berin 4306 an awma, Ward No 11 (Lungpuizawl, Zobawk N, Zobawk S) ah voter tlem berin 2949 an awm a ni.

Draft Electoral roll hi bialtu Booth Level Officer ten an kawl vek a, an hnenah a enfiah theih a, Municipal Electoral Registration Officer (MERO) te office ah en turin a awm reng bawk a ni. Roll-a inziah luh dilte leh siamthat ngai siam that dilna te 30th September, 2022 thleng thehluh theih a ni. Dilna hi BLO ah emaw MERO ah emaw dak kaltlangin a thehluh theih.

State Election Commission, Mizoram ina Summary revision of LMC Electoral Rolls hun a bituk chu a hnuaia tarlan ang a ni:

1. Publication of Draft Electoral Rolls: 23rd September, 2022

2. Submission of Claims & Objections - Roll-a inziah luh dilte leh siamthat ngai siam that dilna : 30th    September, 2022 thleng

3. Disposal of Claims & Objections - Dilna Chin Fel : 7th October, 2022 thleng

4. Publication of Final Electoral Rolls : 14th October, 2022

Summary Revision of LMC Electoral Rolls, 2022 hi Mizoram Municipalities (Election of Councillors) Rules, 2007 behchhana kalpui niin 1st October, 2022 chu Qualifying date ah hman a ni.

Lunglei Municipal Council hian Lunglei khawpui chhung veng 24 huamin Ward 11 ah then an ni a. Ward pali (4 - Hmun thuma thena hmun khat) chu hmeichhia te chauhin an chuh theih turin hauh a ni.

State Election Commission chuan Summary Revision of LMC Electoral Rolls, 2022 atan Municipal Electoral Registration Officer (MERO), Assistant Municipal Electoral Registration Officer (AMERO) te a ruat a. A hnuai ami te hi an ni-