Vawiin khan Saikuti Hall ah National Voters’ Day hman a ni. Pu V Sapchhunga, IAS Lunglei DC leh District Election Officer, Lunglei ni bawk chu khuallian a ni. He hunah hian Govt. Venglai High School naupang pahnihin Chief Elction Commissioner atanga thuchah an dawn chu chhiarchhuahna hun an hmang a, dik taka vote thlak tur leh vote nei te’n an chanvo hria-a dik taka hmang thiam tura fuihna thu a ni.

Khuallian, Pu V sapchhunga, Lunglei DC chuan VC leh MLA inthlan ah te vote hralh ching an awm thin chu pawi a tih thu a sawi a, ngaihtuahna fim tak neia vote thlak theuh tura mipui te a duh thu a tarlangin, a bik takin vote nei thar te chuan fimkhur a tul zia hria-a ngunthluk taka inngaihtuah hmasa turin a duh a. DC chuan India danpui in dikna leh chanvo khua aleh tui te a pek hi democracy hlawhtlinna pawim awh tak a ni a ti. State Election Commission in BLO a ruat te chu induhsakna awm miah lova hna thawk turin a duh a, vote nei thei tawh phawt chu vote thlak thei ngei tura inpuahchah a pawimawh thu a tarlang a. DC chuan inthlan lo awm mai tur ah pawh rilru fim tak hmanga mipui te’n an duh zawng vote theuh turin duhsakna a hlan nghal a ni.

National Voters’ Day lawmna inkhawm hi Pu Zathangliana, SDC & AERO chuan a kaihruaia . Voters thar te EPIC card chu khuallian hian a sem bawk. BLO hnathawk tha zual te hnenah lawmman hetiang hian pek a ni : Pakhatna - Pu F Ngaihkhuma, Gov’t Primary School, Rahsiveng, Lunglei; Pahnihna - Pu K Lalrinchhunga, Teacher, Gov’t Primary School, Tawipui North; Pathumna ah hian 3 an awm a, - Pu Rohmingthanga Ralte, Teacher, Gov’t Bethlehem Middle School, Electric veng; Pu Biakthanzuala Chhangte, Teacher, Practicing Middle School (DIET), Venglai leh Pi K Rinkima, Teacher, Primary School, Ramthar te an ni.