No.1532/2021-2022

Lunglei the 23^rd July, 2021 - 2nd Bn MAP platoon hnih Assam ramria duty a thawkchhuak te tana a tul anga hman tur cheng sing khat (Rs. 10,000/-)  chu vawiin khan Lunglei South bialtu MLA Dr K Pachhunga chuan a pe. MLA aiawhin a PA Pu Lalhmingmuana chuan 2nd Bn. MAP Commandant Pu Saidingliana MPS hnenah a hlan a ni.

Ramri a duty sipai te tan kawng hrang hranga theihtawp a hmalakpui zel a tum thu Bialtu MLA hian a sawi a ni. 2nd Bn MAP Commandant Pu Saidingliana chuan bialtu MLA in hma a lo lakpui tawh thin na leh tun hun harsa kar a, tanpui an ni chu lawmthu a sawi a ni.

A bial chhung Lungrang South-ah Covid-19 positive mi paruk awmin bialtu MLA hian 4C dinna tur thil tul, bungrua leh ei leh bar turte a ngaihtuah pui nghal bawk a ni.