199/2026-2027

Lunglei, 2026 Ṭau thla ni 17: Vawiin khan Lunglei District Superintendent of Police ai awhin Additional SP Pi Sarah Lalrinkimi chuan The Motor Vehicles Act, 1988 Section 115/117 leh Government of Mizoram Notification No.B.12012/10/2004-TRP Dt.1.6.2020 tlawh chhanin a hnuaia mi ang hian lirthei tlan dan tur ruahmanna thar siamin, hriattirna a chhuah.

PHE Department Lunglei chuan Upgradation of Greater Water Supply Scheme hna SASCI hnuaiah an thawk mek a, tunah hian Pukpui khaw chhungah pipeline-in ATL Road a rawn cross-na tur Bazar Shed bul peng ṭhuam lai hi thawh hmabak niin, Dt. 19.04.2026 (Pathianni) tlai dar 5:00 aṭanga a tuk Dt. 20.04.2026 (Thawhṭanni) zing dar 5:00 inkar hian kawngpui tan tlanga pipe hi phum tum a ni.

Hemi hun chhung Dt. 19.04.2026 (Pathianni) tlai dar 5:00 aṭanga a tuk Dt. 20.04.2026 (Thawhṭanni) zing dar 5:00 inkar hian hna hi chak zawka thawh a nih theih nan eng lirthei mah kal tlang phal a ni lo va, hemi kawng hi khar (complete road blockage) a ni.

Hei hian dan leh thupek kengkawhtu Police duty, Magistrate duty, Fire & Emergency Service, Excise & Narcotics Department duty, Medical duty, Disaster Response Force, Power & Electricity Department duty, Public Health Engineering Department duty, school-a thawkte leh a bika Superintendent of Police, Lungleiin phalna a pekte chu a huam lo vang.

Kawng khar hun chhunga emergency thil avanga kal tlang mamawhte chuan he'ng a hnuaia phone no. dahahte hian biak tur a ni ang.

1. Sub-Divisional Police Officer, Lunglei – 8259901971

2. Officer-In-Charge, Lunglei – 8729829989