2738/2025-2026 

Lunglei, 2025 Pawltlak thla ni 19 : Vawiin khan Lunglei District Superintendent of Police Pu J. Lalmuankima chuan hriattirna chhuahin, The Motor Vehicles Act, 1988 Section 115 leh Government of Mizoram Notification No.B.12012/10/2004-TRF Dt.01.06.2020 tlawh chhan leh Lunglei Municipal Council Memo No.F.20021/1/25-LMC(Estt) Dt.10th December, 2025 thu chhuak angin mipui him zawk nan leh harsatna a thlen loh nan a hnuaia hmun tar lante hi lirthei tlan phal lohna hmun, 'No Vehicle Zone'-ah a puang.

1. No Vehicle Zone: Tepuia Bakery - District Agriculture Office - Super Market - SP Office inkar kawng hi mipui him zawk nan kum 2025 December ni 20, 22, 23 & 24-ahte 'No Vehicle Zone'-a puan a ni a, zing dar 6:00 aṭanga tlai dar 5:00 inkarah eng lirthei mah tlan luh phal a ni lo.

2. Khuarel chhiatna: Vanduaina emaw, khuarel chhiatna emaw thleng thei a ni a, chuti ang a lo thlen palh pawha awlsam zawka lirthei a tlan luh theih nan kawng sirah bungrua dah phal a ni lo.

3. Auto Rickshaw Stand: Super Market bula Auto Rickshow ding ṭhinte pawh 'No Vehicle Zone' huam chhungah hian din a rem lo va, hemi hun chhung hi chuan Civil Hospital thlang Auto Rickshow Stand leh Venglai Auto Rickshaw Stand pahnih an fin ang.

4. 'No Vehicle Zone' huam chhunga lirthei neite: 'No Vehicle Zone' huam chhunga lirthei neite chu Government Leitlangpui Higher Secondary School lamah an chhuk ang. Thil thlen dan azirin tih danglam ngai a awm a nih chuan Traffic Police-te'n a hmunah ruahmanna an siam ang.

5. Inpho phal lohna: 'No Vehicle Zone' puanna huam chhungah hian chawhmeh zuar tih loh chu kawng dungah/ kawng sirah thawmhnaw/bungraw dang inpho leh zawrh phal a ni lo.

He thupek leh hriattirna hi lirthei khalhtute'n zawm vek tura ngen an ni a. 'No Vehicle Zone'-a lirthei dân bawhchhhia chu dân anga an chunga hma lak a ni ang. Amaherawhchu, harsatna emaw buaina emaw a lo thlen palha lo buaipuitu tur dân leh thupek kengkawhtu Police, Magistrate, Quick Response Team, Fire & Emergency Service, Medical Duty leh ṭul bik thila phalna pekte chu a huam lo vang.