1972/2025-2026

Lunglei, 2025 Khuangchawi thla ni 17: Traffic Police awm lohna hmun leh lirthei dah theih lohna (dah rem lohna) hmuna lirthei kalsan tawp awm ṭhinin chetsualna (accident) a thlen theih bakah, traffic jam a thlen ṭhin avang leh mipui kea kalte tan pawh harsatna a thlen ṭhin avangin, Lunglei District Superintendent of Police Pu J. Lalmuankima chuan vawiin khan (The Motor Vehicles Act, 1988 Section 115/116 leh Government of Mizoram Notification No.B.12012/10/2004-TRP Dt.01.06.2020 tlawh chhanin) lirthei eng chi pawh a neitu emaw, a khalhtuin emaw ni 02.11.2025 ral hma ngeiin mahni lirthei dashboard/windshield-ah leh two wheeler tan a remchang laiah biak pawh theih ngeina tur phone number dah vek turin hriattirna a chhuah.

Hriattirnaah hian, thupek zawm duh lote chu dân angin MV Act, 1988 Section 179-na hmanga hrem theih an nih thu leh he thupek hi ni 03.11.2025 (Thawhṭanni) aṭangin khauh taka ken kawh ṭan a nih tur thu a tar lang bawk.