2641/2024-2025

2024 Khuangchawi thla ni 22: Lunglei District Superintendent of Police Pu J. Lalmuankima chuan vawiin khan hriattirna chhuahin, mipui vantlang leh lirtheia veivakte an lo him zawk nan The Motor Vehicles Act, 1988 Section 115/117 leh Government of Mizoram Notification No.B.12012/10/2004-TRP Dt.1.6.2020 tlawh chhanin a hnuaia mi ang hian Lunglei khawpui chhung kawng ṭhenkhata lirthei tlan dan tur ruahmanna thar a siam.

"1. 7th Day Adventist Biak In bul leitan (Leitan to Parallel Road - Ward No. III) kawnah hian 7:00AM - 6:00PM inkarah chhuk zawngin lirthei ke pali nei car (5 seater chin) leh two wheeler tan chauh tlan theih a ni a, dar 6:00PM - 7:00AM hun chhungin a chhuk lam leh chho zawngin car leh two Wheeler tan chauh tlan phal a ni.

"2. RTP Cinema Hall bul leitan (Parallel Road to RTP Cinema Hall - Ward No. III) kawngah hian dar 7:00AM - 6:00PM chhung hian chho zawngin lirthei ke pali nei car (5 seater chin) leh two wheeler tan chauh tlan phal a ni a, dar 6:00PM - 7:00AM hun chhung hian a chhuk lam leh chho zawngin car (5 seater chin) leh two wheeler tan bak tlan phal a ni lo.

"3. Bazar High School (Thlanmual bul) aṭanga College Veng Community Hall inkar kawng hi a tet/zim avangin lirthei ke pali nei car/van leh a hnuai lam two wheeler tan chauh chhuk zawnga tlan phal a ni. Tin, College Veng Community Hall bul aṭangin Bazar High School (Thlanmual bul) kawngah a chho zawngin two wheeler bak tlan phal a ni lo.

"4. Pu Ng. Tawnga Road (Thana thlang) (Ward No. IV)-ah hian two wheeler bak chhuk zawng leh chho zawngin tlan phal a ni lo. Pu Ng. Tawnga Road-a LMV (4 wheeler) neite tan bik an chenna in aṭangin Pi Chalnawni (L) in lamah chhuk zawngin an tlan thla thei ang a, in lama an let leh hunah pawh Pi Chalnawni (L) in bul aṭangin chho zawngin an in thleng an tlan leh thei ang.

"5. Rural Bank chho (DTO aṭanga tlan thlakna - Ward No. IV) kawngah hian lirthei chhuk zawng chauha tlan phal a ni.

"He thupek hi dt. 28.10.2024 aṭanga hman ṭan tur a ni a, thu leh awm hma chu hman a ni ang. Dan leh thupek kengkawhtu Police/Fire Service/Disaster Response duty/damlo emergency te leh a bika Superintendent of Police, Lungleiin phalna a pekte chu a huam lo ang."