Lunglei DC Pu Abhijit Vijay Chaudhari, IAS kaihhruaiin vawiin chawhnu dar 1:00 khan Lunglei DC Confernce Hall-ah Lunglei Town Sanitation Task Force an thukhawm a. Lunglei District huamchhunga Town area-ah Mizoram Cleanliness Drive 2016-17 hman dan tur an rel.

Meeting-ah hian District Urban Development Officer leh Member-Secretary ni bawk Pu Albert Vanlalliantluanga chuan Annual Action Plan on Cleanliness Drive in Mizoram 2016-17 zulzuia Cleanliness Drive hman tur a nih thu a tarlang a. District level-a Coordination Committee din hmasak a tul thu a sawi a. Awareness darhzau zawk nan facebook lamah page siam a nih tawh thu a tarlang bawk.

Meeting chuan Coordination Committee-ah hian sawrkar department, tlawmngai pawl, zirna in leh kohhran hrang hrang huapzo thei ang berin member-te telh nise tiin a rel a. Member-a rawt te hi thuneitu sang zawk hnena thlen a, pawmpui a nih veleh Coordination Committee kaltlangin chipchiar zawka kalpui dan tur rel that leh nise a ti.