2544/2025-2026

Lunglei, 2025 Pawltlak thla ni 5: Kum 2025 Krismas leh Kumthar 2026 mi tinin dam leh him tlang taka kan hman theih nan Lunglei District chhung hmun hrang hrangah ni 15.12.2025 (Thawhṭanni) aṭanga 20.12.2025 (Inrinni) chhung hian Lunglei Traffic Police chuan lirthei kaihhnawih dan bawhchhiatna leh danin a phut lirthei document hrang hrangte endikin, "No Tolerance Week" an kalpui dawn a. Lirthei khalhtu/neitu zawng zawngte ṭha taka dan zawm a, lo inhmakhua ṭheuh turin vawiin khan Lunglei District Superintendent of Police chuan mipuite hnena ngenna leh hriattirna a chhuah.

He hunah hian exhaust (silencer) ri ring leh company-in a vuah sa ni lo, mi dang tana harsatna siam khawpa eng, head light leh light dang hmangte endik a ni dawn bawk a. Helmet khum lova two wheeler khalh, kum tling lo lirthei khalh, zu rui chunga lirthei khalh leh driving license nei lova lirthei khalh mante chu a na thei ang bera hrem an ni ang.

He hma lakna hi mipuite himna tur a ni tih hriaa thawhpui vek turin Lunglei District Police chuan mipuite an sawm a ni.