Lunglei Khawpui chhung a (Urban Area) a Village Council te chu khawpui chhung khawdunga inzawrh 9Street Vending) chungchang leh vantlang inthiarna (Public Toilet) chungchang ah DUDO Office, UD & PA Deptt vawiin khan an thu khawm a, inrawnkhawmna an nei.

He meeting ah hian Dist Urban Development Officer, Andrew Lalhruaia chuan Lunglei khawpui chhungah The Mizoram Street Vendors Rules, 2015 hmangin kawngkama inzawrhna hmun tur awmze nei tak a Plan anih tur thu sawiin, chumi Plan siam tur chuan VC theuh te an an Area hrechiang ber tur an nih avang a inrawnkhawm an nih thu a sawi a ni.

He inrawnkhawmna ah hian kawngkama thil zuar (Vendors) te hmamthatna awm thei te, thil zawrh phal lohna tur siam chungchang te inhrilhfiah a sawi ho a ni. Swatch Bharat Mission (Urban) hnuaia Lunglei khawpui Open Defecation Free a puang tur a hmalakna pawimawh tak pakhat vantlang inthiarna (Public Toilet) chungchanga inrawnkhawmna he hunah hian neih a ni bawk.

Vantlang inthiarna veng hrang hrang a sak tawh thin enkawl mumal loh tawp lutuk awm thin ang ni lova kumtluan a inthiarna thianghlim tak neih theih dan tur hrang hrang te sawi ho a ni.

He inrawnkhawmna hun hi Lunglei khawpui chhung a VC ten an ngaipawimawh hle a, VC 24 atangin aiawh an kal tha hle a ni.