4570/2025-2026

Lunglei, 2026 Ramtuk thla ni 23: Vawiin khan ni thum chhung awh tur, Chhiarpui (Census of India) 2027 atana inbuatsaihna, 'Three-Day District Level Training & Regular Clerical Assistant Training' chu Lunglei DC Conference Hall-ah ṭan a ni a, February ni 25 thleng a awh ang.

He training hi chhim lam district pali – Lunglei, Siaha, Lawngtlai leh Hnahthial district-te tana buatsaih a ni a. District tin atangin District Census Officer, Additional District Census Officer, Charge Census Officer, Additional Charge Census Officer leh Regular Clerical Assistant ṭheuhte telin, mi 50 an tel a ni.

Training hi Lunglei District Additional Deputy Commissioner, District Census Officer ni bawk, Pi Zoramdini chuan a hawng a. Directorate of Census Operation, Mizoram aṭangin Assistant Director Pu Shivam Gupta leh thawktu dangte'n training hi pein, Chhiarpui 2027 kalpui tura thil pawimawh hrang hrang an zirtir a ni.

Chhiarpui thawh khatna, Census Phase-I –Houselisting leh Houselisting Operation chu April ni 16, 2026 aṭanga May ni 15, 2026 inkar chhung hian kalpui a ni dawn a. Hetah hian in ding lai leh chhungkaw luah laite chu a dinhmun leh a hman dan hrang hrang chhinchhiah fel a ni ang a. Phase-II –Population Enumeration erawh chu nakkum, February 2027 aṭanga kalpui tura ruahman niin, mihring awm zat leh an dinhmunte zir chian leh chhinchhiah a ni thung ang.