409/2024-2025

LUNGLEI; the 3^rd May, 2024: Vawiin chawhma khan Senior Chief Medical Officer, Office New Building ah Clinical Establishments (Registration& Regulation) Act 2010 leh Mizoram Clinical Establishments (Register & Regulation) Rules 2014 chungchang ah Hospital, Clinic, Diagnostic Laboratories (Govt.leh Private) neitu te tan Online Registration chungchang sensitization workshop neih a ni.

Dr. LC. Liana, Sr. Chief Medical Officer, Lunglei in inlawmna thu a sawi a, Clinical Establishments hi sorkar in a ngai pawimawh hle a, dan a duan te zawm a, registration te a hun tak ti theuh tur leh  workshop hi hlawkpui theuh turin Clinical Establishments te a chah a ni.

He hun ah hian Pu James Miahlung, Addl. Deputy Commissioner, Lunglei chuan khawtlang inrelbawlna ah service hrang hrang a awm a, chung ah chuan Health Service hi a pawimawh hle a mihring thihna leh nunna kar a ni a ti a. Hriselna enkawltu an nih avangin Missionary rilru pu chunga hna thawk a, mipui tan a ding an nih angin service tha tak pe theuh theuh turin a fuih a ni. Sorkar in dan a siam a chu dan siam chu zawm theuh turin Clinical Establishments te a chah bawk a ni.

Dr. Elizabeth C. Lalmuanpuii, District Level Coordinator, CEA Lunglei chuan Clinical Establisments Act. Cum online Registration of Clinical Establishment chungchang power point presentation hmangin zirtirna a pe a ni.

The Mizoram Clinical Establisments (Registration & Regulation) Act & Rules 2014 hian Hospital, Clinic leh Diagnostic Laboratories ( Sorkar leh Private) te a huam a, Armed Forces te chu a huam ve lo a ni.