4660/2025-2026

Lunglei, 2026 Vau thla ni 2: Vawiin khan Lunglei District Road Safety Committee thuchhuak bawhzuiin, Lungleia sawrkar hna thawkte chuan mahni pisaah ṭheuh lirthei khalh chungchanga fimkhur tura thutiam (Road Safety Pledge) an tiam.

Lunglei DC Office-a thawkte chuan DC Conference Hall-ah Additional Deputy Commissioner Pi Zoramdini kaihhruaiin Road Safety Pledge hi an chham rual a. Office hrang hranga thawkte pawhin mahni office-ah ṭheuh thu an tiam ve bawk.

Road Safety Pledge-ah hian fimkhur taka lirthei khalh ṭhin tur leh kea kalte pawh kawngpuiah fimkhur taka kal ṭhin tura intiamin; harh fima lirthei khalh tur te; dan phal chin aia chaka lirthei khalh lo tur te; ṭha taka Traffic Rules & Regulations zawm tur te; lirthei khalh laia mobile phone hmang lo tur te; kea kal, naupang leh tar chak lo zawkte ngaihtuah reng chung leh mi dangte zai ngai chunga lirthei khalh tur te; kawngpuiah fimkhur tak leh lirthei kal ngaichang chunga kea kal tur te; leh lamliana fimkhur tura mi dang pawh zirtir tur te'n an intiam a ni.