Vawiin chawhma khan Lunglei Circuit House Conference Hall-ah Lunglei DC Pu Abhijit Vijay Chaudhari, IAS kaihhruaiin District Consultative Committee (DCC)/ District Level Review Committee/ District Level Security Committee neih a ni a. Annual Credit Plan 2015-16 zulzuia Lunglei District huamchhunga bank hrang hrangte hnathawh thlirletna neih a ni.
Pu Abhijit Vijay Chaudhari chuan Annual Credit Plan 2016-17 chu a tlangzarh a. February ni 11, 2016-a DCC meeting minute chu thlirho in, hma lak ngai te leh lak tawhte sawihona neih a ni a. Committee chuan security kaihhnawih – security guard dah, CCTV vuah, kangmei chhuak ven leh pawisa lem chungchang te a ngaih pawimawh thu a sawi.
Heng bakah hian central sawrkar scheme – Pradhan Mantri Fasal Bima Yojana, Stand-Up India, Pradhan Mantri Awas Yojana, Prime Minister’s Employment Generation Programme leh National Urban Livelihood Mission kaltlanga mipui hnena tanpuina pek a nih dan te sawiho a ni a. Bank chungchanga mipui ten awareness an neih lehzual nan Financial Literacy Campaign a huhoa neih nise tiin an rel bawk a ni.
Annual Credit Plan 2016-17 target hi cheng vbch. 41.90 ni tur a duan a ni a, ACP 2015-16 aiin cheng vbch. 12.20 (41.07%) in a pung a. Agriculture bikah cheng vbch. 2.05 (26.11%) in a pung a ni. Priority Sector atan cheng vbch. 31.70 dah niin, Non-Priority Sector tan cheng vbch. 10.20 dah ve thung a ni.
