2535/2025-2026
Lunglei, 2025 Pawltlak thla ni 4 : Mizoram State Rural Livelihoods Mission (MzSRLM), Rural Development & Administration Department chuan December ni 9-13, 2025 chhungin Regional SARAS Fair vawi 12-na chu Saikuti Hall, Lungleiah a buatsaih leh dawn a. Saras Fair-ah hian Mizoram hmun hrang hranga Self Help Group (SHG)-te'n an thil thar chhuah leh siam chhuah hrang hrangte an zuar leh dawn a ni.
SARAS Fair-ah hian stall 40 chuang awmin, he'ng stall-ahte hian item chi hrang hrang - puan, teak hmanga inchhungkhur mamawh siam (dawhkan, board leh a dangte), ramsa lem, ip (bag), sahbawn (hand-made), kamram (chips) chi hrang hrang, thei tui, thingpuife, buhban leh thil dang tam tak man tlawm tak takin zawrh a ni dawn a. Bazar paha thil ei duh tan ei tur tuihnai tak tak a awm dawn bawk a. Zing dar 10:00 aṭanga zan dar 7:00 thlengin dawr theih an ni ang.
He'ng bakah hian naupang intihhlimna tur leh infiamna te pawh a awm tel dawn bawk a. RD&A Department chuan SARAS Fair hi tlawh tur leh an thil pho chhuahte leisak turin mi zawng zawng an sawm a ni.
