2102/2025-2026

Lunglei, 2025 Khuangchawi thla ni 30: Vawiin khan Lungleia Education Complex Conference Hall-ah Lunglei District Level Children Science Congress buatsaih a ni.

Children Science Congress hawnna inkhawm hmanpuitu, Lunglei District Education Officer Pu Micky R. Lalenkawla chuan science congress leh co-curricular activity hrang hrang ngaih hlut nachang hriat a pawimawh thu a sawi a. Science zirtirtu chuan an zirlai naupangte rilruah ngaihtuah chikna an tuh tur a ni tiin, zirtirtute chu naupangte'n hamṭhatna an hmuh a, vanneihna an dawn theih nan khawnvar anga inchhi ral turin a chah a. Science Congress-a tel naupangte pawh India ram hmun hrang hrangah Science Congress leh Science Seminar ang chia tel theihna remchang kawng zau tak a inhawng tih hre tura chahin, sang zawk leh thui zawk thleng thei tura ṭan la chhunzawm zel turin a chah a. Naupang hma lam hun thlirpui chunga kaihruai a, tuipui turin zirtirtute a ngen bawk.

Lunglei District Children Science Congress buatsaihah hian Co-ordinator Pu H. Lalramnghaka'n hun a kaihruai a. Junior Child Scientist (Middle School) aṭangin sikul pahnih leh Senior Child Scientist-ah high school pariat aṭangin zirlai naupang 20 te'n Science thiamna hman ṭangkai dan kawng hrang hrangin a lem nen entirin, an sawifiah a ni.

Lunglei District Level Children Science Congress-a lawmman dawngtute chu:

I. Junior Category: