4334/2025-2026

Lunglei, 2026 Ramtuk thla ni 6: Phairuang to Thenhlum (0.00–48.77 km upto Bolia) PMGSY–III kawng siam mekah kawng luan hna (black-topping work — MSS) thawh mek niin, chak zawka hna thawh a nih theih nan vawiin khan Lunglei District Superintendent of Police Pu J. Lalmuankima chuan The Motor Vehicles Act 1988 section 115/117 leh Government of Mizoram Notification No.B.12012/10/2004-TRP Dt.01.06.2020 tlawh chhanin a hnuaia mi ang hian lirthei tlan dan tur/tlan theih hun tur ruahmanna siamin, hriattirna a chhuah.

Phairuang aṭanga Thenhlum (0.00–48.77km) PMGSY–III kawng siam hna black-topping hna thawh mek avangin Phairuang aṭanga Thenhlum kawng hi February ni 6, 2026 aṭangin thu leh awm hma chu kar tin Thawhlehni aṭanga Ningani thleng zing dar 09:00 AM aṭanga tlai dar 06:00 PM thleng khar a ni ang.

Hei hian dan leh thupek kengkawhtu — Police duty, Magistrate duty, Fire & Emergency Service, Excise & Narcotics Department duty, Medical duty, Disaster Response Force, Power & Electricity Department duty, Public Health Engineering Department duty, school-a thawkte leh a bika Superintendent of Police, Lungleiin phalna a pekte chu a huam lo vang.

Kawng khar hun chhunga emergency thil avanga kal tlang mamawhte chuan he'ng a hnuaia phone no. dahahte hian biak tur a ni ang.

1. Sub-Divisional Police Officer, Lunglei — 8259901971

2. Sub-Divisional Police Officer, Tlabung — 9632054081

3. Officer-In-Charge, Lunglei — 8974637760

4. Officer-In-Charge, Bunghmun — 9366133662

5. Officer-In-Charge, Lungsen — 9862814884