SIRD & PR Mizoram buatsaihin vawiin chawhma khan Lunglei BDO Conference Hall-ah Ni 3 awh District Level Training on Gender Budgeting chu hawnna neih a ni a. Dr. Malsawmtluanga Fanchun, BDO Lunglei chu Khuallian niin he training hi a hawng a ni.

Dr. Malsawmtluanga Fanchun chuan mipa leh hmeichhia intluk tlanna hi Ministry of Women and Child Development chuan a ngai pawimawh em em a, India ram population atanga chhutin hmeichhia hi za zela 48 vel an ni a, hetih lai hian education leh literacy dinhmunah chuan mipa te aiin an hniam zawk fe a ni, a ti a. Mipa leh hmeichhe intluk tlanna hi Ministry of Women and Child Development chuan a ngai pawimawh satliah mai pawh ni lovin hmeichhe tan bik ruahmanna tha tak a siamin, an dinhmun chawisan hi a ngai pawimawh em em a ni, tiin he training hi a hawng nghal a ni.

He hawnna hun hi Pu Malsawmtluanga Fanai, Faculty, SIRD Aizawl chuan kaihruaiin, training-ah hian mithiam tak tak ten hmeichhe dinhmun chawisanna tur leh budget-ah hmeichhe tan ruahmanna awm thei leh ruahmanna siam chungchang thil pawimawh tak tak an zirtir a ni.

He training-ah hian hian Lunglei khawpui chhunga Veng hrang hranga hmeichhe VC member 25, MHIP Sub Hqrs. President & Gen. Secy., MJA Dist. Hqrs. Lunglei President & Gen. Secy. leh Dist. Social Welfare Office atangte in, an zavaiin mi 30 an tel a ni.